Fragas do Mandeo xa é de interese público

24 Novembro 2010

 
Logo do Diario Oficial de GaliciaO Diario Oficial de Galicia de hoxe, día 24 de novembro, publica a Resolución do 15 de novembro de 2010 pola que se declara de interese galego e se ordena a inscrición no Rexistro de Fundacións de Interese Galego da Fundación Fragas do Mandeo.

Tal como anticipamos, esta cualificación de entidade de interese galego, e por conseguinte público, ten como consecuencia o estímulo das doazóns a Fragas do Mandeo, pois os particulares poderán deducir até o 25% do importe na declaración da renda, e até o 35% no caso das empresas.

A publicación desta orde pon fin ós trámites de constitución. Xa que logo, a partir de hoxe poderemos dedicarnos totalmente a dar a coñecer os fins da entidade e promove-las doazóns que permitan merca-las fincas de interese ambiental que xa temos localizadas na bisbarra.


Uso de cookies: Este sitio web emprega cookies para mellora-la experiencia de usuario. Se continúa navegando consente a aceptación de ditas cookies e acepta a nosa política de cookies (se pincha no enlace obterá máis información).