O ano que remata foi declarado por Nacións Unidas como o Ano Internacional da Biodiversidade, co obxectivo de animar ás organizacións, institucións, empresas e individuos a realizar accións directas para frear a perda constante de biodiversidade que se está a producir en todo o planeta.
Nacións Unidas ven de declarar o 2011 Ano Internacional dos Bosques. O propósito, neste caso, é centrar a atención na xestión sostible dos bosques, na súa conservación e no desenvolvemento sostible en todo tipo de bosques que existen no planeta.
A conservación da biodiversidade e a protección dos bosques están intimamente ligadas. Os primeiros pasos de Fragas do Mandeo, a cabalo dos anos 2010 e 2011, van nesa liña. Se pensamos globalmente e queremos actuar localmente, temos que avanzar na custodia dos espazos naturais da nosa bisbarra, das fragas e dos ríos, da costa e do mar. Deste xeito preservaremos os hábitats e a biodiversidade para as xeracións presentes e as futuras.
Feliz noitevella e próspero ano novo.
