O Diario Oficial de Galicia de hoxe, día 19 de febreiro, publica a Orde do 2 de febreiro de 2016 pola que se modifica a adscrición de determinadas fundacións de interese galego e se ordena a súa adscrición ás consellerías competentes para o exercicio das funcións de protectorado.
Esta orde é consecuencia dos cambios na estrutura organizativa da Xunta de Galicia. A Consellería de Medio Ambiente, Territorio e Infraestruturas pasa a denominarse Consellería de Medio Ambiente e Ordenación do Territorio. Dela depende a Dirección Xeral de Conservación da Natureza e tamén será a que exerza as funcións de protectorado das fundacións que teñen como fin a conservación do medio natural, como é o caso de Fragas do Mandeo.
