Recordando a Luís Muíño

14 Novembro 2016

 
Hoxe recibimos a triste noticia do falecemento de Luís Muíño.

Nas poucas ocasións que tivemos de tratalo, Luís mostrouse como unha persoa discreta, carácter acaído á súa condición de notario. Pero xa era menos convencional nesta profesión o seu amor pola natureza. De feito, sorprendía gratamente que a súa notaría estivera decorada con retratos de flora e de fauna feitos coa súa cámara.

En Fragas do Mandeo estabámoslle moi agradecidos polo xeneroso apoio que nos deu xusto no momento en que máis o precisabamos, no intre de constituírnos e botarnos a andar, cando eramos descoñecidos e careciamos de recursos. Mandamos desde aquí unha forte aperta ós seus familiares e amigos máis achegados.


Uso de cookies: Este sitio web emprega cookies para mellora-la experiencia de usuario. Se continúa navegando consente a aceptación de ditas cookies e acepta a nosa política de cookies (se pincha no enlace obterá máis información).