Menos invasoras na reserva do Catorce

5 Maio 2021

Dende o mesmo momento no que creamos a Reserva de Anfibios do Catorce, unha das nosas preocupacións ten sido mantela libre de especies exóticas invasoras. Temos erradicado varias especies, pero hai unha que segue a resistirse: a xunca olorosa.

Xa a temos eliminado en anos anteriores, pero debido a que esta planta produce sementes moi finas e numerosas, hai que ser moi constante para lograr erradicala. Esta primavera volveu saír en abundancia nas zonas húmidas da reserva. Como as medidas sanitarias impiden convocar xornadas de voluntariado, pois limitan moito o tamaño dos grupos, achegámonos hoxe unicamente catro persoas para ir arrincándoa pouco a pouco. En total logramos retirar 100 kg de biomasa, pero aínda queda moito por facer.

Post data: O día 26 o mesmo grupo de persoas volveu á reserva para continua-lo traballo, retirando 105 kg de biomasa de xunca olorosa.

A Deputación da Coruña financiou nun 80 % os seguros de voluntariado.

Foto do voluntariado


Uso de cookies: Este sitio web emprega cookies para mellora-la experiencia de usuario. Se continúa navegando consente a aceptación de ditas cookies e acepta a nosa política de cookies (se pincha no enlace obterá máis información).