A meirande parte do financiamento de Fragas do Mandeo procede de particulares, polo que mantemos a nosa independencia respecto da Administración. O total das axudas dos organismos públicos, recibidas dende a nosa constitución, significou o 32 % dos nosos ingresos. Este apoio institucional foi destinado integramente a distintas actuacións de conservación.
As axudas da Deputación da Coruña que temos ingresadas no período 2010-2023 sumaron 27.514,10 euros. Foron destinadas a paga-los seguros de voluntariado, consumibles, ferramentas, instrumental, maquinaria, equipamento vario e, ocasionalmente, servizos forestais. Nunca se utilizaron para mercar parcelas.
No período 2022-2024 temos recibido axudas anuais de 1.000 euros do Concello de Coirós, destinadas a aboar servizos forestais.
Agradecemos a todos estes organismos o seu apoio.