Esta mañá achegámonos ó espazo natural protexido ZEC Encoro de Abegondo-Cecebre invitados a participar nunha xornada de voluntariado ambiental organizada polo Grupo Naturalista Hábitat.
O lugar elixido foi a cabeceira do encoro formada polo río Barcés, no entorno de As Táboas. Unha ducia de voluntarios recolleu rapidamente todo o lixo da zona indicada. Nembargante, o lento e tedioso foi clasificala.
O obxectivo non era retirar un gran volume, se non caracterizar detalladamente a composición, orixe e tamaño dos residuos para remitir esa información ó proxecto Libera que está desenvolvendo SEO/Birdlife e Ecoembes. Estas dúas entidades queren coñecer a fondo o fenómeno do littering, o emporcallamento xeneralizado debido á presenza de lixo por todas partes, pois está a afectar gravemente ó medio ambiente.
