A campaña da declaración da renda deste ano empezou hoxe e rematará o 30 de xuño. Todos temos a obriga de abonar o que nos corresponde. Pero hai maneiras legais de pagar menos e de paso colaborar coa conservación da natureza.
As persoas que fixeron doazóns a Fragas do Mandeo o ano pasado atoparon que a Axencia Tributaria, no borrador da súa declaración da renda, lles deducía parte do que doaron. Así, por exemplo, os que nos doaron 100 euros viron recuperados 75 euros do que tiñan que pagar de IRPF.
Isto é así porque Fragas do Mandeo está acollida ó réxime fiscal de incentivos ó mecenado. Podes atopar tódolos detalles das deducións aplicables a particulares (IRPF) e a empresas (imposto de sociedades) nos artigos 19 e 20 da Ley 49/2002, de 23 de diciembre, de régimen fiscal de las entidades sin fines lucrativos y de los incentivos fiscales al mecenazgo.
¡Xa o sabes! Beneficiándote destas deducións poderemos seguir mercando montes de interese ambiental destinados a conservar a nosa biodiversidade.
