¿Quen somos?
Fragas do Mandeo está formada por un padroado e un equipo de voluntarios que manteñen viva a entidade. Uns e mailos outros aportan a súa cualificación e experiencia profesionais de xeito altruísta, dedicándolle o tempo libre que lles deixa o traballo e a familia.
Padroado
Fernando Bandín, licenciado en Informática pola Universidad Politécnica de Madrid, actualmente retirado tras exercer no sector financeiro. Naturalista e fotógrafo da natureza vocacional, é coautor do libro Fotógrafos de la naturaleza, tendo publicado as súas imaxes en diversas revistas e libros.
Antón Vázquez, licenciado en Bioloxía e Veterinaria pola Universidade de Santiago de Compostela, traballa no ensino secundario e para unha asociación de gandeiros. Especializado en biodiversidade e espazos naturais, leva anos vinculado á conservación do medio ambiente en Galicia.
Juan Manuel Neira, enxeñeiro agrónomo pola ETSEA da Universitat de Lleida. Profesor de Tecnoloxía nun instituto de ensino secundario, exerceu anteriormente de profesor técnico de formación profesional agraria. Ten coordinado e participado en proxectos ambientais en centros educativos.
Empresas colaboradoras
CPR Gestión é unha consultoría especializada en ofrecer servizos de apoio na xestión administrativa e financeira de empresas, incluíndo a selección e formación de persoal. Leva desinteresadamente a contabilidade e administración de Fragas do Mandeo.
